TV
ఏపీ అసెంబ్లీ సెక్రటరీకి హైకోర్టు నోటీసులు
హైదరాబాద్ : ఆంధ్రప్రదేశ్ శాసనసభ ఇంఛార్జ్ సెక్రటరీ సత్యనారాయణ ఆ పదవికి అనర్హుడంటూ హైకోర్టులో సోమవారం పిటిషన్ దాఖలైంది. మంగళగిరి వైఎస్ఆర్ కాంగ్రెస్ పార్టీ ఎమ్మెల్యే ఆళ్ల రామకృష్ణారెడ్డి ఈ పిటిషన్ దాఖలు చేశారు. ఆర్కే పిటిషన్ను హైకోర్టు విచారణకు స్వీకరించింది. కాగా సత్యనారాయణకు లా డిగ్రీ లేదని ఆర్కే తరుఫు న్యాయవాది పొన్నవోలు సుధాకర్ రెడ్డి ఈ సందర్భంగా హైకోర్టు దృష్టికి తీసుకు వచ్చారు. దీనిపై అసెంబ్లీ సెక్రటరీ సత్యనారాయణకు హైకోర్టు నోటీసులు జారీ చేస్తూ...నాలుగు వారాల్లోగా కౌంటర్ పిటిషన్ దాఖలు చేయాలని ఆంధ్రప్రదేశ్ ప్రభుత్వాన్ని ఆదేశించింది.
