TV
ఐదేళ్ల చిన్నారికి పింఛన్
హైదరాబాద్: చిన్న వయసులోనే పింఛన్ అందుకొని అయిదేళ్ల సిరిప్రియ రికార్డులకెక్కింది. హైదరాబాద్ బంజారాహిల్స్ రోడ్ నంబర్ 14లోని నందినగర్ గ్రౌండ్‌లో శనివారం ఏర్పాటు చేసిన పింఛన్ల పంపిణీ కార్యక్రమంలో పుట్టు అంధురాలైన సిరిప్రియకు వికలాంగుల జాబితాలో ఈ పింఛన్ అందజేశారు. ఖైరతాబాద్ ఎమ్మెల్యే చింతల రాంచంద్రారెడ్డి, షేక్‌పేట తహసీల్దార్ కె.చంద్రకళ చేతుల మీదుగా ఈ చిన్నారి రూ. 1500 నగదుతో పాటు పింఛన్ అర్హతా పత్రాన్ని అందుకుంది. నూర్‌నగర్‌లో నివసించే వీర వెంకటసత్యనారాయణ-లక్ష్మి దంపతుల కుమార్తె అయిన సిరిప్రియ ఒకటో తరగతి చదువుతోంది.
