TV
భారీ మొత్తంలో స్విస్ ఖాతాలు బయటికి
జెనీవా: ఎలాంటి లావాదేవీలు జరపకుండా అరవై ఏళ్లుగా మూలుగుతున్న ఖాతాలు, ఖాతాదారుల వివరాలను స్విస్ బ్యాంకు బుధవారం వెల్లడించింది. ఖాతాలకు సంబంధించి ఎలాంటి లావాదేవీలు జరపకుండా ఉండిపోయిన 2,600 మంది ఖాతాదారులు, సంస్థల పేర్లను తమ అధికారిక వెబ్‌సైట్ www.dormantaccounts.ch లో ప్రచురించింది.
ఆ ఖాతాదారుల వారసులు ముందుకు వచ్చి ఈ నిధులను సొంతం చేసుకోవాలని సూచించింది. ఈ ఖాతాల మొత్తం విలువ 44.5 మిలియన్ల అమెరికన్ డాలర్లు ఉంటుందని తెలిపింది. ఏడాదిలోగా ఖాతాదారుల వారసులు బ్యాంకు ముందుకు వచ్చి ఆస్తులను స్వాధీనం చేసుకోవాలని సూచించింది.
