కూతురి ఎఫ్బీ అకౌంట్ పై ఎలాంటి హక్కులేదు

సోషల్ మీడియా అకౌంట్ యూజర్లు చనిపోతే దాన్ని ఎవరు ఆపరేట్ చేస్తారు? దీనికేమైనా వీలునామా ఉందా అంటే కొన్ని సామాజిక మాధ్యమాలు వీలునామాలకు అనుమతి ఇస్తున్నాయి. కానీ ఎలాంటి వీలునామా రాయకుండా ఒకవేళ యూజర్ మరణిస్తే మాత్రం దాన్ని ఆపరేట్ చేయడం ప్రైవసీ నిబంధనలకు భంగకరం. ఇదే విషయంలో ఓ కూతురి ఫేస్ బుక్ అకౌంట్ ను ఆమె తల్లిదండ్రులు వాడటానికి వీలులేదని పేర్కొంటూ జర్మనీ కోర్టు తీర్పునిచ్చింది. చనిపోయిన టీనేజ్ గర్ల్ అకౌంట్ వాడటానికి తల్లిదండ్రులకు ఎలాంటి హక్కులేదని సంచలన తీర్పు వెల్లడించింది. 2012లో రైలు ప్రమాదంలో 15 ఏళ్ల అమ్మాయి చనిపోయింది. తమ కూతురు ఆత్మహత్య ఏమైనా చేసుకుంది అని నిరూపించడానికి వారు ప్రయత్నిస్తున్నారు.