పాక్ ప్రధానితో మోదీ భేటీ

పాక్ ప్రధానితో మోదీ భేటీ

లాహోర్: భారత ప్రధాన మంత్రి నరేంద్ర మోదీ.. పాకిస్థాన్ ప్రధాని నవాజ్ షరీఫ్తో సమావేశమయ్యారు. శుక్రవారం సాయంత్రం లాహోర్లోని షరీఫ్ నివాసంలో వీరిద్దరూ భేటీ అయ్యారు. పలు కీలక అంశాలపై మోదీ, షరీఫ్ చర్చిస్తున్నారు.  

ఆప్ఘనిస్తాన్ నుంచి సాయంత్రం 4:45 గంటలకు మోదీ లాహోర్ విమానాశ్రయంలో దిగారు. లాహోర్ విమానాశ్రయంలో నవాజ్ షరీఫ్ సాదరంగా స్వాగతం పలికారు. అక్కడి నుంచి మోదీ, షరీఫ్ కలిసి ఓ ప్రత్యేక హెలికాప్టర్లో షరీఫ్ వ్యక్తిగత నివాసానికి వెళ్లారు. 1700 ఎకరాల విస్తీర్ణంలో ఉన్న ఆ ఇంట్లోనే నవాజ్ షరీఫ్ మనవరాలి పెళ్లి కూడా శుక్రవారమే జరుగుతోంది. కాగా.. అక్కడ షరీఫ్తో సమావేశం పూర్తయిన తర్వాత మోదీ భారత్కు బయల్దేరుతారు.