![Pak Air Force Plane Crashes In Islamabad - Sakshi](/sites/default/files/styles/webp/public/article_images/2020/03/11/JET.jpg.webp?itok=915bDtrq)
ఇస్లామాబాద్ : పాకిస్తాన్ రిపబ్లిక్ డే పరేడ్ కోసం రిహార్సల్ చేస్తున్న ఎయిర్ఫోర్స్ ఎఫ్-16 యుద్ధవిమానం బుధవారం ఇస్లామాబాద్లో కుప్పకూలిందని ఎయిర్ఫోర్స్ ప్రతినిధి వెల్లడించారు. మార్చి 23న జరిగే పరేడ్, ఎయిర్ షో కోసం అమెరికన్ తయారీ ఎఫ్-16 విమానం రిహార్సల్ చేస్తుండగా ఈ ప్రమాదం జరిగిందని ఆ ప్రతినిధి తెలిపారు. విమానం కుప్పకూలడంతో వాటిల్లిన నష్టాన్ని అంచనా వేస్తున్నామని పాక్ ఎయిర్ఫోర్స్ వెల్లడించింది. ప్రమాదం జరిగిన ప్రాంతానికి సహాయ సిబ్బంది వెళ్లాయని, ప్రమాద కారణాన్ని గుర్తించేందుకు విచారణకు ఆదేశించామని తెలిపింది.