అక్కడ లిప్‌స్టిక్‌ ధర రూ.72 వేలు

న్యూఢిల్లీ: భారతీయ మహిళలు ఎరుపెక్కిన పెదాలు, గులాబీ బుగ్గలు, తీరైన నల్లటి కనుబొమలు, కొసదేరిని ముక్కు, అందమైన కురులతో అందంగా కనిపించడం కోసం తహతహలాడుతుండడంతో దేశంలో బ్యూటీ బిజినెస్‌ వేగంగా విస్తరిస్తోంది. అయినప్పటికీ ప్రపంచ దేశాల్లో, ముఖ్యంగా బ్యూటీ బిజినెస్‌ ఎక్కువగా ఉన్న 50 దేశాల్లోకెల్లా భారత్‌లోనే లిప్‌స్టిక్‌ ధరలు చాలా తక్కువగా ఉండడం విశేషం. భారత్‌లో ఓ లిప్‌స్టిక్‌ ధర సరాసరి 926 రూపాయలు ఉండగా, ప్రపంచంలో అత్యంత ఎక్కువగా వెనిజులా దేశంలో ఉండడం ఆశ్చర్యం. ఆ దేశంలో సరాసరి లిప్‌స్టిక్‌ ధర 71,627 రూపాయలు పలుకుతుంది. అక్కడి ద్రవ్య సంక్షోభమే అందుకు ప్రధాన కారణంగా తెలుస్తోంది. వెనిజులా తర్వాత పెరూలో లిప్‌స్టిక్‌ ధర 3,792 రూపాయలు పలుకుతోంది.