హద్దులు దాటిన అభిమానం.. హీరో డెత్‌ డేట్‌ అంటూ!

కోలీవుడ్ లో స్టార్ హీరోల అభిమానుల మధ్య వివాదాలు చాలా కామన్‌. ముఖ్యంగా అజిత్‌, విజయ్‌ అభిమానులు ప్రత్యక్షంగా తలపడ్డ సందర్భాలు కూడా చాలా ఉన్నాయి. తాజాగా విజయ్‌ పుట్టిన రోజు సందర్భంగా మరోసారి ఫ్యాన్స్‌ వార్ తెరమీదకు వచ్చింది. ఈ నెల 22న విజయ్‌ పుట్టిన రోజును పురస్కరించుకొని కామన్‌ డీపీని డిజైన్‌ చేయించారు దళపతి ఫ్యాన్స్‌.

అయితే ఈ డీపీ రిలీజ్ అయిన కొద్ది సేపటికే అజిత్‌ ఫ్యాన్‌ #June22VijayDeathDay (జూన్‌ 22 విజయ్‌ చనిపోయిన రోజు) అనే హ్యాష్‌ ట్యాగ్‌ను ట్రెండ్ చేశారు. కొద్ది నిమిషాల్లోనే ఈ హ్యాష్‌ టాగ్‌ చెన్నై ట్రెండ్స్‌లో టాప్‌లోకి వచ్చేసింది. వెంటనే కౌంటర్‌గా విజయ్‌ ఫ్యాన్స్‌ #LongLiveThalapathy అనే ట్యాగ్‌ను ట్రెండ్‌ చేశారు. ఇలా సోషల్‌ మీడియా వేదిక అజిత్‌, విజయ్‌ ఫ్యాన్స్‌ హద్దులు దాటి హీరోలను ఇబ్బందిపెడుతున్నారు.