TV
ఏకే రావ్... పీకే రావ్ నవ్విస్తారు!
‘‘పూర్తి స్థాయి కామెడీ సినిమా ఇది. ఇందులోని ప్రతి పాత్రా ప్రేక్షకుల్ని కడుపుబ్బ నవ్వించడం ఖాయం’’ అని దర్శకుడు కోటపాటి శ్రీను చెప్పారు. ఆయన దర్శకత్వంలో రూపొందిన ‘ఎ.కె.రావ్-పి.కె.రావ్’ చిత్రం ద్వారా హాస్యనటులు ధనరాజ్, తాగుబోతు రమేశ్ హీరోలుగా పరిచయమవుతున్నారు. సాయి వెంకటేశ్వర కంబైన్స్ పతాకంపై రూపొందిన ఈ చిత్రం ఈ నెల 17న విడుదల కానుంది. ఈ సందర్భంగా హైదరాబాద్‌లో జరిగిన ప్రెస్‌మీట్‌లో ధనరాజ్ మాట్లాడుతూ -‘‘దర్శకుడు కథ చెప్పినప్పుడు ఈ పాత్రలకు మేం న్యాయం చేయగలమా లేదా అని ఆలోచించుకుని ఈ సినిమా ఒప్పుకున్నాం. ఇందులో మాకు ఫైట్లు, డాన్సులు ఉన్నాయి. ఎక్కడా ఓవర్‌గా అనిపించదు’’ అని తెలిపారు. ఇందులో కామెడీ విలన్‌గా చేశానని ‘వెన్నెల’ కిశోర్ చెప్పారు. కుటుంబం మొత్తం ఎంజాయ్ చేసే విధంగా ఈ సినిమా ఉంటుందని తాగుబోతు రమేశ్ అన్నారు. ఈ కార్యక్రమంలో శ్రుతి రాజ్, శ్రీరామ్ చౌదరి, స్వర్ణ సుధాకర్, గుత్తి మల్లిఖార్జున్, శివకుమార్ మాట్లాడారు.
