పరువు హత్యల్లో పరువు ఎక్కడుంది?

పరువు హత్యల్లో పరువు ఎక్కడుంది?

అర్జున్, జేడీ చక్రవర్తి హీరోలుగా సమీర్‌ ప్రొడక్షన్స్‌ పతాకంపై సమీర్‌ స్వీయ దర్శకత్వంలో నిర్మించిన సినిమా ‘కాంట్రాక్ట్‌’. హైదరాబాద్‌లో ప్రచార చిత్రాలను ఆవిష్కరించారు. అర్జున్‌ మాట్లాడుతూ – ‘‘పోలీసాఫీసర్‌ కావాలని కరాటే నేర్చుకున్న నేను అనుకోకుండా ‘మా పల్లెలో గోపాలుడు’తో హీరో అయ్యా. ఇంతమంది ప్రేక్షకుల అభిమానాన్ని సొంతం చేసుకున్నా. అందుకు కారణమైన కోడి రామకృష్ణగారికి, తెలుగు ప్రేక్షకులకు కృతజ్ఞతలు. ఈ సినిమా తప్పకుండా ప్రేక్షకుల్ని అలరిస్తుంది’’ అన్నారు.

సమీర్‌ మాట్లాడుతూ – ‘‘మైండ్‌ గేమ్‌ నేపథ్యంలో నడిచే చిత్రమిది. ‘పరువు హత్యల్లో అసలు పరువు లేదు’ అనేది చిత్ర మూలకథ. జేడీ చక్రవర్తిగారి ప్రోత్సాహంతో ఈ సినిమా తీశా. దీని తర్వాత మరో భారీ బడ్జెట్‌ సినిమా తీస్తా’’ అన్నారు. కృతీ కట్వా, దివ్యా సింగ్‌ హీరోయిన్లుగా నటిస్తున్న ఈ చిత్రానికి కెమేరా: జానీ లాల్, సంగీతం: సుభాశ్‌ ఆనంద్, ఎగ్జిక్యూటివ్‌ నిర్మాతలు:  వి. సునీల్‌కుమార్, ఎం. రమేశ్, సమర్పణ: సంజయ్‌ గద్వక్‌.