మాస్‌ స్టెప్పులకు మారుపేరు బాబా భాస్కర్‌

బిగ్‌బాస్‌ ఇంట్లోకి ఎనిమిదో కంటెస్టెంట్‌గా బాబా భాస్కర్‌ ఎంట్రీ ఇచ్చారు. ఢీ షోతో ఫేమస్‌ అయిన ఈ డ్యాన్స్‌ మాస్టర్‌.. కొద్ది కాలంలోనే స్టార్‌ కొరియోగ్రాఫర్‌గా ఎదిగారు. ఎంతో మంది స్టార్‌ హీరోలతో కొత్త కొత్త స్టెప్పులు వేయిస్తూ ఫ్యాన్‌ ఫాలోయింగ్‌ను పెంచుకున్నారు. టాలీవుడ్‌, కోలీవుడ్‌లో మోస్ట్‌ వాంటెడ్‌ డ్యాన్స్‌ మాస్టర్‌గా ఉన్న బాబా భాస్కర్‌.. కొరియోగ్రఫీలో ప్రత్యేకమైన శైలి ఉంటుందన్న సంగతి తెలిసిందే. సెట్లో ఈయన చేసే అల్లరి గురించి, బుల్లితెరపై వచ్చే కార్యక్రమాల్లో ఈయన చేసే సందడిని అందరూ చూసే ఉంటారు. మగధీర చిత్రంలోన పంచదార బొమ్మా అనే పాట తన లైఫ్‌కు టర్నింగ్‌పాయింట్‌ అని చెప్పుకునే ఈ కొరియోగ్రాఫర్‌కు.. బిగ్‌బాస్‌ కూడా మరో టర్నింగ్‌ పాయింట్‌ అవుతుందా? అన్నది చూడాలి.