కోడిగుడ్ల కోసం అప్పు చేశా: హీరోయిన్

పెద్ద నోట్లు రద్దు చేయడంతో సామాన్యుల నుంచి పెద్దవాళ్ల వరకు అందరికీ కష్టాలంటే ఏంటో ఒక్కసారిగా తెలిసొచ్చాయి. సాధారణంగా పది రూపాయల నోట్లతో అవసరం కూడా పడని సినిమా హీరోయిన్లకు.. 500, 1000 రూపాయల నోట్లు చెల్లవు అనేసరికి ఏం చేయాలో కూడా తెలియలేదు. బాలీవుడ్ హీరోయిన్ బిపాషా బసుది కూడా ఇదే పరిస్థితి. ఆమె కోడిగుడ్లు వండుకోవాలని అనుకుంది. కానీ ఇంట్లో గుడ్లు లేవు. పోనీ తెప్పించుకుందాం అని చూస్తే.. తన దగ్గర వెయ్యి, 500 తప్ప వేరే నోట్లు ఏమీ లేవు. దాంతో ఏం చేయాలో తెలియని పరిస్థితులలో తాను అప్పు చేసినట్లు బిపాషా బసు ట్వీట్ చేసింది. స్టార్‌వరల్డ్‌ రాకీ వద్ద నుంచి తాను డబ్బులు అప్పు తీసుకున్నట్లు చెప్పింది. ఎలాంటి రోజు వచ్చింది దేవుడా అంటూ బాధపడింది.