సల్మాన్ ఖాన్‌కు మరో ఎదురుదెబ్బ

 

సల్మాన్ ఖాన్‌కు ఇప్పటికే 50 ఏళ్ల వయసు దాటడంతో.. కోకా కోలా బ్రాండ్లు ఎప్పుడూ యంగ్‌గా ఉండాలని, అందువల్ల ముసలి హీరోలను పెట్టుకోవడం సరికాదని భావించి ఈ నిర్ణయం తీసుకున్నట్లుగా తెలుస్తోంది. అందుకే రణవీర్ సింగ్ లాంటి యువహీరోలైతే బాగుంటుందని కంపెనీ వర్గాలు అన్నాయి. పాకిస్థానీ నటీనటులను భారతీయ సినిమాల్లో పనిచేయడానికి అనుమతించాలంటూ సల్మాన్ వ్యాఖ్యనించినప్పటి నుంచి వివాదం ముదిరింది. సల్మాన్ ఆ వ్యాఖ్యలు చేసిన 20 రోజులకు కోకాకోలా నిర్ణయం వచ్చింది. కోకా కోలా సంస్థకు ప్రచారం చేసినందుకు సల్మాన్‌కు ఏడాదికి రూ. 5 కోట్లు ముడతాయి. 2012 నుంచి థమ్సప్ బ్రాండుకు ప్రచారకర్తగా సల్మానే ఉంటున్నాడు. అంతకుముందు అక్షయ్ కుమార్ ఈ ప్రకటన చేసేవాడు.