వివాదంలో అల్లు అర్జున్ డీజే

వివాదంలో అల్లు అర్జున్ డీజే

అల్లు అర్జున్ హీరోగా తెరకెక్కుతున్న డీజే దువ్వాడ జగన్నాథమ్ సినిమాపై వివాదంలో చెలరేగుతుంది. ఈ సినిమాలో బ్రాహ్మణుడి పాత్రలో నటిస్తున్న అల్లు అర్జున్ పై చిత్రీకరించిన ఓ పాట వివాదానికి కారణమైంది. ఇటీవల ఈ సినిమాలో బడిలో గుడిలో అనే డ్యూయెట్ ను రిలీజ్ చేశారు. అయితే ఈ పాటలో బ్రాహ్మణుల మనో భావలు దెబ్బ తినేలా పద ప్రయోగాలు ఉన్నాయంటూ కొంత మంది అభ్యతరం వ్యక్తం చేస్తున్నారు.

శివుణ్ని పూజించే సమయంలో వాడే కొన్ని మంత్రాలను ఈ పాటలో తప్పుగా వినియోగించారంటూ ఆరోపిస్తున్నారు. అయితే ఈ వివాదంపై ప్రస్తుతానికి చిత్రయూనిట్ స్పందించలేదు. గతంలో ఇదే తరహాలో రూపొందిన అదుర్స్ సినిమాపై కూడా వివాదం చెలరేగింది. అయితే అప్పుడు చిత్రయూనిట్ అభ్యంతరకర పదాలను మార్చి సినిమాను రిలీజ్ చేశారు. మరి డీజే విషయంలో చిత్రయూనిట్ ఎలా స్పందిస్తుందో చూడాలి.