గాయపడ్డ రానా.. చేతి వేళ్లకు గాయాలు

గాయపడ్డ రానా.. చేతి వేళ్లకు గాయాలు

హైదరాబాద్: టాలీవుడ్ యువ హీరో దగ్గుబాటి రానా గాయపడ్డారు. రానా ఓ చేతి నాలుగు వేళ్లకు కాలిన గాయాలయ్యాయి. ఈ విషయాన్ని రానాయే ట్విట్టర్లో తెలియజేశారు. ఫొటోలను కూడా పోస్ట్ చేశారు. కాగా ఈ ప్రమదానికి గల కారణాలను మాత్రం వెల్లడించలేదు. 'దయచేసి ప్రమాద కారణాలను మాత్రం అడగకండి' అంటూ రానా ట్వీట్ చేశారు.

ప్రమాద వివరాలను రానా వెల్లడించకున్నా.. బాహుబలి సినిమా షూటింగ్లో గాయపడ్డారని వార్తలు వచ్చాయి. మరికొందరు మాత్రం ఓ బాలీవుడ్ సినిమా షూటింగ్ గాయపడ్డారని చెబుతున్నారు. అసలు విషయం ఏంటన్నది రానాకే తెలియాలి. రానా త్వరగా కోలుకోవాలని కోరుతూ ఆయన అభిమానులు ట్వీట్ చేశారు.