సత్తా ఉన్న కథ

సత్తా ఉన్న కథ

ధనుష్, తాప్సీ జంటగా తమిళంలో ఘనవిజయం సాధించిన ‘ఆడు కళమ్’ చిత్రం తెలుగులో ‘పందెం కోళ్లు’ పేరుతో విడుదల కానుంది. సన్ పిక్చర్స్, సమూహ టాకీస్ పతాకంపై ఎ. శేఖర్‌బాబు, ఎం. కిశోర్‌కుమార్ రెడ్డి తెలుగులోకి అనువదించారు. జీవీ ప్రకాశ్ స్వరపరచిన ఈ చిత్రం పాటలను నిర్మాతల మండలి అధ్యక్షుడు ఎన్వీ ప్రసాద్ విడుదల చేసి, నిర్మాత కేతిరెడ్డి జగదీశ్వరరెడ్డికి ఇచ్చారు. బిగ్ సీడీని నిర్మాత సురేశ్ కొండేటి విడుదల చేశారు. జగదీశ్వరరెడ్డి మాట్లాడుతూ -‘‘ఇటీవల విడుదలైన ధనుష్ ‘రఘువరన్ బీటెక్’ ఘనవిజయం సాధించింది. ‘పందెం కోళ్లు’ తమిళంలో ఘనవిజయం సాధించడంతో పాటు ఉత్తమ నటుడిగా ధనుష్‌కి జాతీయ అవార్డు కూడా వచ్చింది’’ అని చెప్పారు. అనువాద చిత్రాల్లో మంచి చిత్రంగా నిలిచే సత్తా ఉన్న కథతో ఈ చిత్రం రూపొందిందని ఎన్వీ ప్రసాద్ అన్నారు.