TV
నా బాయ్‌ఫ్రెండ్‌ను అడిగితే చెబుతాడు!
మాజీ ప్రియుడు రణ్‌బీర్ కపూర్‌తో దీపికా పదుకొనే నటి స్తూంటే, తాజా ప్రియుడు రణ్‌వీర్ సింగ్‌కు ఎలా ఉంటుంది? పుండు మీద కారం చల్లినట్లు ఉంటుందన్నది కొంతమంది ఊహ. అందుకే దీపికా పదుకొనే దగ్గర ఈ ప్రస్తావన తీసుకొచ్చారు. దీపిక ఏ మాత్రం తడబడకుండా... ‘‘ఈ విషయం గురించి మీరు రణ్‌వీర్‌ను అడిగితే బాగుంటుంది’’ అన్నారు. ‘‘అయినా మనం గతాన్నీ, భవిష్యత్తునూ ఏ మాత్రం దాచకూడదు. ఆ విషయంలో నేనెప్పుడూ క్లారిటీగా ఉంటాను.
మంచీ, చెడు -రెండిటినీ నేను రణ్‌వీర్ సింగ్‌తో పంచుకుంటాను. ఏ బంధమైనా పటిష్ఠంగా ఉండాలంటే.. దాపరికాలు ఉండకూడదు. అందుకే, నేను అన్ని విషయాలనూ రణవీర్‌తో చెప్పేస్తాను’’ అని దీపిక పేర్కొన్నారు. అంత వరకూ బాగానే ఉంది. కానీ, రణ్‌వీర్ గురించి చెబుతున్నప్పుడు దీపిక ‘నా బాయ్‌ఫ్రెండ్’ అని పేర్కొన్నారు. ఆ మాట అందరి దృష్టినీ ఆకర్షిం చింది. ఎందుకంటే, ఇప్పటివరకూ ఆమె ఎప్పుడూ అతణ్ణి ‘మంచి ఫ్రెండ్’ అని మాత్రమే చెప్పుకొ చ్చారు. ఇప్పుడు హఠాత్తుగా ఈ పదం వాడడానికి కారణమేమిటని ఇప్పుడంతా చర్చిస్తున్నారు. బహుశా తమ బంధం గురించి బాహాటంగా ప్రక టించాలని దీపిక అనుకుని ఉంటుందనీ, అందుకే ఇలా క్లూ ఇచ్చారనీ గుసగుస వినిపిస్తోంది.
