TV
డీకేబోస్ శక్తిమంతమైన పోలీసు కథ
సందీప్‌కిషన్ పవర్‌ఫుల్ పోలీసాఫీసర్‌గా నటించిన చిత్రం ‘డీకే బోస్’. ఎన్.బోస్ దర్శకుడు. శేషురెడ్డి, ఆనందరంగా నిర్మాతలు. చిత్రీకరణ పూర్తి చేసుకున్న ఈ సినిమా గురించి నిర్మాతలు మాట్లాడుతూ -‘‘ఇదొక విభిన్నమైన సినిమా. సందీప్ పాత్ర వినోదాత్మకంగా, శక్తిమంతంగా ఉంటుంది.
తప్పకుండా తనను మాస్‌కి చేరువచేసే సినిమా అవుతుంది. యువతరానికి నచ్చే ప్రేమకథ కూడా ఇందులో ఉంటుంది. నిర్మాణానంతర కార్యక్రమాలు కూడా తుదిదశకు చేరుకున్నాయి. ఈ నెలాఖరులో సినిమాను విడుదల చేస్తాం’’ అని తెలిపారు.
నిషా అగర్వాల్ కథానాయికగా నటిస్తున్న ఈ చిత్రంలో సంపత్‌కుమార్, బ్రహ్మాజీ, సప్తగిరి, అన్నపూర్ణ, కోట శంకరరావు ఇతర పాత్రధారులు. ఈ చిత్రానికి మాటలు: ప్రసాద్ పెన్మెత్స, కెమెరా: విశ్వేశ్వర్ ఎస్‌వీ, ఎడిటింగ్: మార్తాండ్ కె.వెంకటేష్, సహనిర్మాతలు: వెంకటరామరాజు, నజీర్.
