నేత్రదానం నేపథ్యంలో...

 తెలుగు, హిందీ భాషల్లో తెరకెక్కిన చిత్రం ‘ఫాదర్’. కమల్ కామరాజ్, సాయాజీ షిండే కీలక పాత్రల్లో నటించిన ఈ చిత్రాన్ని నవదీప్ ఫిల్మ్ క్రియేటివ్ పతాకంపై రాజ్ పచ్‌ఘరె నిర్మించారు. జగదీష్ పటర్కర్ ఈ చిత్రానికి దర్శకుడు. ఈ సినిమా పాటల సీడీని సాయాజీ షిండే ఇటీవలే హైదరాబాద్‌లో ఆవిష్కరించారు. నేత్రదానం నేపథ్యంలో సందేశంతో పాటు మంచి వినోదం ఉన్న చిత్రం ఇదని దర్శక నిర్మాతలు పేర్కొన్నారు. ఈ వేడుకలో శ్రీసురేశ్. నగేష్ నారదాశి, గోపీకృష్ణ తదితరులు పాల్గొన్నారు.