TV
వెండితెరపై క్రీడాకారిణిగా కనిపించబోతున్నారు తమన్నా. అయితే ఆమె ఏ ఆట ఆడబోతున్నారు? ప్రత్యర్థులను ఎలా ఆటాడిస్తారు? అనే విషయాలు మాత్రం ప్రస్తుతానికి సస్పెన్స్‌. గోపీచంద్‌ హీరోగా సంపత్‌ నంది దర్శకత్వంలో ఓ సినిమా తెరకెక్కనున్న సంగతి తెలిసిందే. పవన్‌కుమార్‌ సమర్పణలో శ్రీనివాసా చిట్టూరి నిర్మిస్తారు. ఈ సినిమా స్పోర్ట్స్‌ బ్యాక్‌డ్రాప్‌లో తెరకెక్కనుందని తాజా సమాచారం. త్వరలో చిత్రీకరణ ప్రారంభం కానుంది. ఇందులో కథానాయికగా తమన్నాను ఎంపిక చేశామని మంగళవారం చిత్రబృందం తెలిపింది. సినిమాలోని క్యారెక్టర్‌ ప్రకారం తమన్నా క్రీడాకారిణిగా కనిపించనున్నారట. ఇదిలా ఉంటే సంపత్‌ నంది దర్శకత్వంలో వచ్చిన ‘రచ్చ’ (2012), ‘బెంగాల్‌ టైగర్‌’ (2015) సినిమాల్లో తమన్నా హీరోయిన్‌గా నటించిన విషయం తెలిసిందే.
Comments
Please login to add a commentAdd a comment