అభిమానుల ప్రేమ వేరయా

హన్సిక

ప్రేమలందు అభిమానుల ప్రేమ వేరయా! అవును నిజమే.. తమ అభిమాన తార మీద ప్రేమను పలువురు పలు రకాలుగా వ్యక్తపరుస్తుంటారు. తాజాగా ఇలాంటి ఓ క్రేజీ అభిమానే హన్సికాకు ట్వీటర్‌లో తారసపడ్డారు. ‘హన్సికే నా జీవితం’ అంటూ 28 భాషల్లో రాసి హన్సికకు ట్వీటర్‌లో తన ప్రేమను వ్యక్తం చేశారు. ఈ 28 భాషల శ్రమ వృథా పోలేదు. ఈ అభిమానం హన్సిక కళ్లలో పడింది. ‘వావ్‌ చాలా స్వీట్‌. థ్యాంక్యూ’ అంటూ ఆ అభిమాని ప్రేమను గుర్తించారు.  ఇలాంటి అభిమానమే స్టార్స్‌ ఇంకా కష్టపడి పని చేయడానికి బూస్ట్‌ అని ప్రత్యేకంగా చెప్పక్కర్లేదు. ప్రస్తుతం హన్సిక తమిళ చిత్రాలు ‘తుపాక్కి మున్నై, 100’లతో బిజీగా ఉన్నారు. అలాగే తన 50వ చిత్రం ‘మహా’ కోసం సిద్ధమవుతున్నారు.