అతనితో డ్యాన్స్ చేయడం ఒక సవాల్!
ముంబై:బాలీవుడ్ లో తన డ్యాన్స్ తోనే ప్రత్యేక స్థానం ఏర్పరుచుకున్న నటుడు హృతిక్ రోషన్. ప్రస్తుతం 'బ్యాంగ్ బ్యాంగ్' చిత్రంలో హృతిక్ సరసన కత్రినా కైఫ్ నటిస్తోంది. గతంలో 'జిందగీ న మిలేగీ దొబారా'లో నటించిన ఈ జంట మరోసారి ప్రేక్షకులను అలరించేందుకు సిద్ధమైంది. అయితే హృతిక్ తో డ్యాన్ చేయడం మాత్రం చాలా కష్టమంటోంది కత్రినా కైఫ్. హృతిక్ తో డ్యాన్స్ చేయడమనేది ఒక ఛాలెంజ్. ఆ చిత్రంలో అతనితో సమానంగా చేయడానికి చాలా కష్టపడ్డాను. అతనితో డ్యాన్స్ చేయాలంటే కత్తిమీద సామే. హృతిక్ డ్యాన్స్ చేసేటప్పుడు అతని శరీరం చాలా ఫ్లెక్సుబుల్ గా ఉంటుందని, ఆ క్రమంలో అతనికి సహజసిద్ధంగానే శక్తి వస్తుందని కత్రినా తెలిపింది. నాతో కలిసి హృతిక్ రిహార్సల్ లో డ్యాన్స్ చేయకపోయినా.. షూటింగ్ సమయంలో మాత్రం అతను డ్యాన్స్ చేసిన తీరు అబ్బురపరిచిందని కత్రీనా తెలిపింది. ఆ సినిమా టైటిల్ సాంగే తనకు ఇష్టమైన ట్రాక్ అని 31ఏళ్ల కత్రీనా స్పష్టం చేసింది.
నాలుగు సంవత్సరాల సుదీర్ఘ విరామం తరువాత దర్శకుడు సిద్దార్ధ రాజ్ ఆనంద్ తెరకెక్కిస్తున్న చిత్రం ఇది. ఈ చిత్రం తన కెరీర్ కు చాలా ముఖ్యమైనదిగా సిద్ధార్ధ తెలిపాడు. ఎంతో ప్రతిష్టాత్మకంగా రూపొందిస్తున్న ఈ చిత్రంపై ఇప్పటికే భారీ పెట్టుబడి పెట్టానని దర్శకుడు తెలిపాడు.
TV
