TV
రొమాంటిక్ మూవీలో మాస్ లుక్ కూడా..!
తమిళ నటుడు కార్తీకి కోలీవుడ్తో పాటు టాలీవుడ్లో కూడా మంచి ఫాలోయింగ్ ఉంది. ముఖ్యంగా మాస్ కామెడీని పండించటంలో కార్తీకి తిరుగులేదు. స్టార్ వారసుడిగా ఎంట్రీ ఇచ్చినా.. తన కంటూ ప్రత్యేక గుర్తింపు తెచ్చుకున్న ఈ యంగ్ హీరో ఇప్పుడు లెజెండరీ డైరెక్టర్ మణిరత్నం దర్శకత్వంలో తెరకెక్కుతున్న చెలియా సినిమాతో ప్రేక్షకుల ముందుకు రానున్నాడు. ఇప్పటికే షూటింగ్ పూర్తి చేసుకున్న ఈ సినిమా ప్రస్తుతం నిర్మాణాంతర కార్యక్రమాలు జరుపుకుంటోంది.
ఇప్పటికే ప్రమోషన్ కార్యక్రమాలను ప్రారంభించిన చిత్రయూనిట్ కార్తీని నీట్ షేవ్లో క్లాస్గా చూపిస్తూ వచ్చారు. ముందు నుంచి రొమాంటిక్ ఎంటర్టైనర్ అని ప్రచారం చేస్తున్న ఈ సినిమాలో రోజా తరహా దేశభక్తి కూడా ఉందని తెలుస్తోంది. ఈ సీన్స్లో కార్తీ పూర్తి మాస్ లుక్లో దర్శనమివ్వనున్నాడు. ఇటీవల విడుదలైన స్టిల్స్లో కార్తీ తీవ్రవాదిలా కనిపిస్తున్న లుక్స్ సినిమా మీద అంచనాలను డబుల్ చేస్తున్నాయి. ఈ సినిమాను తెలుగు, తమిళ, హిందీ భాషల్లో ఏప్రిల్ 7న రిలీజ్ చేసేందుకు ప్లాన్ చేస్తున్నారు.
