మాల్దీవుల్లో మస్తీ.. మజా

  ‘‘ప్రపంచంలో రకరకాల మనుషులుంటారు. ఒక్కొక్కరిది ఒక్కో మనస్తత్వం. ఎవరి ఇష్టాలు వారివి.  కొందరికి సినిమాలంటే ఇష్టం. మరికొందరు క్రీడలు ఇష్టపడతారు. ఇంకొందరు వివిధ దేశాలు చుట్టేస్తూ ఎంజాయ్ చేస్తుంటారు. వీలు దొరికినప్పుడు కుటుంబంతో కలసి గడుపుతుంటారు మరికొందరు. నాకు మాత్రం బీచ్ అంటే ఇష్టం.. బీచ్ కెళ్లి మత్స్య కన్యలా ఈతకొట్టడమంటే ఇంకా ఇంకా ఇష్టం’’ అంటున్నారు కత్రినా కైఫ్. ‘మల్లీశ్వరి’, ‘అల్లరిపిడుగు’ చిత్రాలతో తెలుగు ప్రేక్షకులను అలరించిన ఈ భామ ఆ తర్వాత పూర్తిగా బాలీవుడ్‌కే పరిమితమయ్యారు. అక్కడ స్టార్స్ సరసన క్రేజీ ప్రాజెక్ట్స్ చేస్తూ బిజీగా ఉన్నారీ బ్యూటీ. ప్రస్తుతం ఓ ఫొటోషూట్ కోసం మాల్దీవులు వెళ్లారు.