మళ్లీ మళ్లీ రాని అవకాశం

వీకే నరేష్‌

తెలుగు చలనచిత్ర పితామహునిగా పిలుచుకునే రఘుపతి వెంకయ్యనాయుడు జీవితం ఆధారంగా తెరకెక్కిన చిత్రం ‘రఘుపతి వెంకయ్యనాయుడు’. టైటిల్‌ పాత్రలో సీనియర్‌ నటుడు వీకే నరేష్‌ నటించారు. ఎల్లో లైన్‌ పిక్చర్స్‌ పతాకంపై మండవ సతీష్‌ బాబు నిర్మించారు. ఈ చిత్రాన్ని ఈ నెల 29న విడుదల చేయాలనుకుంటున్నారు.

ఈ సందర్భంగా నరేష్‌ మాట్లాడుతూ– ‘‘రఘుపతి వెంకయ్యనాయుడిగారి పాత్రలో నటించడం అనేది అదృష్టంగా భావిస్తున్నాను. జీవితంలో ఒక్కసారి మాత్రమే వచ్చే అవకాశం ఇది. తెలుగు సినిమా బతికి ఉన్నంతవరకు ఈ సినిమా అందరికీ గుర్తుండిపోతుంది’’ అన్నారు. ‘‘రఘుపతి వెంకయ్యగారు చేసిన కృషిని గుర్తు చేయడానికి ఈ చిత్రాన్ని తెరకెక్కించాం. ఈ సినిమా కోసం చాలా పరిశోధన చేశాం’’ అన్నారు బాబ్జీ. తనికెళ్ల భరణి, మహర్షి, వాహిని, సత్యప్రియ, భావన తదితరులు నటించిన ఈ సినిమాకు శ్రీ వెంకట్‌ సంగీతం అందించారు.