పవన్‌కల్యాణ్‌కి ఫోక్ సాంగ్స్ అంటే చాలా ఇష్టం.

 

 ‘కాటమ రాయుడా.. కదిరి నరసింహుడా...’ అనే ఆ పాట తాలూకు వీడియో ప్రస్తుతం ఇంటర్నెట్‌లో హల్‌చల్ చేస్తోంది. ఇంతకుముందు పలు పాటలను పవన్‌కల్యాణ్ పాడినప్పటికీ వాటి విజువల్స్ బయటికి రాలేదు. కానీ ఈ పాటను పవన్ పాడుతున్నప్పుడు చిత్రీకరించి, ఆదివారం విడుదల చేశారు. ఇప్పటివరకు పవన్ పాడిన పాటలన్నీ సూపర్‌హిట్ అయ్యాయి. యూ ట్యూబ్‌లో రెండు రోజుల్లోపే ఐదు లక్షలమందికి పైగా ఈ పాటను వీక్షించడం విశేషం. ఆ విధంగా ఇది సూపర్ డూపర్ హిట్టయ్యిందని అంచనా వేయొచ్చు. ఇక, మరో విషయం చెప్పాలంటే.. పాత హిట్ సాంగ్స్‌ని రీమిక్స్ చేయిస్తుంటారు పవన్‌కల్యాణ్. ‘మిస్సమ్మ’లోని ‘ఆడువారి మాటలకు...’ పాటను ‘ఖుషీ’ కోసం రీమిక్స్ చేయించారు. 

 

 ఆ తర్వాత ‘చిట్టి చెల్లెలు’లోని ‘ఈ రేయి తీయనిది..’ పాటను ‘జానీ’ కోసం రీమిక్స్ చేశారు. తాజాగా ‘కాటమ రాయుడు..’ పాట 1940లో విడుదలైన ‘సుమంగళి’లో నుంచి తీసుకున్నది. ఇక.. ఈ చిత్రాన్ని ఈ 9న విడుదల చేయాలనుకున్నారు. కానీ, ప్రస్తుత పరిస్థితుల వల్ల ఆ రోజున సినిమాని విడుదల చేయడంలేదని, త్వరలో విడుదల తేదీని ప్రకటిస్తామని చిత్రనిర్మాత బీవీయస్‌యన్ ప్రసాద్ ప్రకటించారు. త్రివిక్రమ్ శ్రీనివాస్ దర్శకత్వంలో రూపొందిన ఈ చిత్రంలో పవన్ సరసన సమంత కథానాయికగా నటించారు.