జోడీ కుదిరింది

ఆకర్ష్‌ ఖురానా దర్శకత్వంలో తాప్సీ ప్రధాన పాత్రలో తెరకెక్కుతోన్న లేడీ ఓరియంటెడ్‌ ఫిల్మ్‌ ‘రష్మీ: ద రాకెట్‌’. ఈ చిత్రంలో గుజరాత్‌కు చెందిన అథ్లెట్‌ రష్మీ పాత్రలో నటించనున్నారు తాప్సీ. ఇందులో తాప్సీ భర్తగా నటించబోతున్నారు ప్రియాన్షు పైన్యూలి. ఆయన ఆర్మీ ఆఫీసర్‌గా కనిపిస్తారు. ‘‘మా నాన్నగారు ఆర్మీ కల్నల్‌గా చేసి రిటైర్‌ అయ్యారు. నటుడు కాకముందు ఓ సమయంలో  నేను ఆర్మీలో జాయిన్‌ అవుదాం అనుకున్నాను. ఇప్పుడు ఆర్మీ ఆఫీసర్‌గా నటించబోతున్నందుకు హ్యాపీగా ఉంది’’ అన్నారు ప్రియాన్షు. ఈ షూటింగ్‌ ఈపాటికే కచ్‌లో ప్రారంభం కావాల్సి ఉంది. కానీ కరోనా కారణంగా షూటింగ్‌ను వాయిదా వేశారు.