రజనీతో లారెన్స్‌ సినిమా?

రాఘవ లారెన్స్‌, రజనీకాంత్‌

రజనీకాంత్‌కి కొరియోగ్రాఫర్, డైరెక్టర్‌ రాఘవ లారెన్స్‌ వీరాభిమాని. తన అభిమాన హీరోని డైరెక్ట్‌ చేయాలని ఏ డైరెక్టరైనా అనుకుంటారు. లారెన్స్‌ కూడా అనుకున్నారు. ఇప్పుడు ఆ కల నిజం కాబోతోందని కోలీవుడ్‌ టాక్‌. రజనీకాంత్‌ చేయబోయే తదుపరి చిత్రాల్లో లారెన్స్‌ సినిమా కూడా ఒకటనే వార్త తమిళ ఇండస్ట్రీలో ప్రచారంలో ఉంది. ప్రస్తుతం శివ దర్శకత్వంలో ‘అన్నాత్తే’ అనే సినిమా చేస్తున్నారు రజనీ. అది రజనీ కెరీర్‌లో 168వ సినిమా. ఆ తర్వాత కమల్‌హాసన్‌ బ్యానర్‌లో ఓ సినిమా (169వ చిత్రం) కమిట్‌ అయ్యారు. 170వది రాఘవ లారెన్స్‌ సినిమా అవుతుందని టాక్‌. ప్రస్తుతం రజనీతో కథా చర్చలు జరుపుతున్నారట లారెన్స్‌.