TV
హీరోయిన్ కి సూపర్ స్టార్ కితాబు
ఇప్పటి వరకు కెరీర్లో ఒక్క బ్లాక్ బస్టర్ హిట్ లేకపోయినా, వరుసగా టాప్ హీరోల సినిమాల్లో నటిస్తున్న హీరోయిన్ అమీ జాక్సన్. ప్రస్తుతం ఇండియన్ ఫిలిం ఇండస్ట్రీలోనే భారీ బడ్జెట్తో తెరకెక్కుతన్న రోబో 2 సినిమాలో నటిస్తున్న ఈ బ్రిటీష్ బ్యూటీని, ఆ సినిమా హీరో రజనీకాంత్ తెగ పొగిడేస్తున్నాడు. ప్రస్తుతం ఢిల్లీలోని స్టేడియంలో ఫుట్ బాల్ మ్యాచ్కు సంబందించిన కీలక సన్నివేశాలు చిత్రకరిస్తున్న నేపథ్యంలో అమీ పనితీరును రజనీ పొగిడారు.
అమీజాక్సన్ను ఐశ్వర్యారాయ్తో పోల్చిన రజనీ, భవిష్యత్తులో ఈ బ్రిటిష్ భామ కూడా జాతీయస్థాయిలో టాప్ హీరోయిన్గా పేరు తెచ్చుకోవటం ఖాయం అంటున్నాడు. రోబో సినిమా కోసం ఐశ్వర్యతో కలిసి నటించిన రజనీ, ఆ సమయంలో ఐశ్వర్య వర్కింగ్ స్టైల్ భేష్ అంటూ పొగిడాడు. తాజాగా అమీ విషయంలో కూడా ఇదే విధంగా స్పందించాడు రజనీకాంత్. తమిళ స్టార్ డైరెక్టర్ శంకర్ దర్శకత్వంలో రూపొందుతున్న రోబో 2 సినిమాను ఈ ఏడాది చివర్లో రిలీజ్ చేయడానికి ప్లాన్ చేస్తున్నారు.
