ఆఫీసర్‌ సినిమాతో మరో షాక్‌ ఇచ్చిన వివాదాస్పద దర్శకుడు రామ్‌ గోపాల్‌ వర్మ మరో సినిమాను ప్రకటించాడు. గతంలో వర్మ దర్శకత్వంలో సర్కార్‌, ఎటాక్‌ ఆఫ్ 26/11 చిత్రాలను తెరకెక్కించిన పరాగ్‌ సంఘ్వీ కొత్త సినిమాను నిర్మించనున్నాడు. ఈ విషయాన్ని వర్మ సోషల్‌ మీడియా ద్వారా స్వయంగా ప్రకటించారు. వైరస్‌ పేరుతో తెరకెక్కుతున్న ఈ సినిమాకు సంబంధించిన పూర్తి వివరాలు త్వరలోనే వెల్లడించనున్నారు.

నిర్మాతతో పాటు వర్మ కూడా ‘వైరస్‌’ సంబంధించిన ప్రెస్‌నోట్‌ రిలీజ్ చేశారు. సెంట్రల్‌ ఆఫ్రికాకు వెళ్లిన ఓ విద్యార్థి అరుదైన వైరస్‌ బారిన పడటం.. తరువాత ఆ విద్యార్ధి భారత్‌ తిరిగి వచ్చిన తరువాత భారీగా జరిగిన ప్రాణనష్టం నేపథ్యంలో ఈ సినిమాను తెరకెక్కిస్తున్నారు. కేవలం టైటిల్‌, కాన్సెప్ట్‌ మాత్రమే రివీల్ చేసిన దర్శక నిర్మాతలు నటీనటుల వివరాలు సినిమా ఎప్పుడు ప్రారంభమవుతుంది అన్న విషయాలను మాత్రం వెల్లడించలేదు.