మహేష్, బిజినెస్ మొదలెట్టేశాడు..!

మహేష్, బిజినెస్ మొదలెట్టేశాడు..!

సూపర్ స్టార్ మహేష్ బాబు ప్రస్తుతం మురుగదాస్ దర్శకత్వంలో ఓ భారీ బడ్జెట్ సినిమాలో నటిస్తున్న విషయం తెలిసందే. ఇప్పటికే రెండు షెడ్యూల్స్ షూటింగ్ పూర్తి చేసుకున్న ఈ సినిమా షూటింగ్ ప్రస్తుతం అహ్మదాబాద్లో జరుగుతోంది. డిసెంబర్ 23 వరకు జరిగే ఈ షెడ్యూల్లో పలు కీలక సన్నివేశాలతో పాటు యాక్షన్ సీన్స్ కూడా చిత్రీకరించనున్నారు. ఇప్పటి వరకు పేరు నిర్ణయించని ఈ సినిమాకు సంబంధించి బిజినెస్ కూడా మొదలైపోయింది.

దాదాపు 100 కోట్ల బడ్జెట్తో తెలుగు, తమిళ భాషల్లో ఒకేసారి తెరకెక్కుతున్న ఈ సినిమాను హిందీలోనూ రిలీజ్ చేసేందుకు ప్లాన్ చేస్తున్నారు. దీంతో ఈ మూవీ శాటిలైట్ రైట్స్ను ఓ ఛానల్ భారీ మొత్తానికి సొంతం చేసుకుందట. తెలుగు, హిందీ భాషల ప్రసార హక్కులు కలిపి 26 కోట్లకు సొంతం చేసుకున్నట్టు తెలుస్తోంది. ఈ విషయంపై యూనిట్ సభ్యుల నుంచి ఎలాంటి అధికారిక ప్రకటనా లేకపోయినా.. డీల్ పూర్తియినట్టుగా ప్రచారం మాత్రం జరుగుతోంది. మహేష్ సరసన రకుల్ ప్రీత్ సింగ్ హీరోయిన్గా నటిస్తున్న ఈ సినిమాలో ప్రముఖ నటుడు దర్శకుడు ఎస్.జె.విలన్ రోల్లో కనిపించనున్నాడు.