వారిని కఠినంగా శిక్షించాలి: శ్రద్ధా కపూర్‌

ముంబై: కేరళలో టపాసులతో నింపిన పైనాపిల్‌ను తిని ఓ గర్భిణి ఏనుగు మృతి చెందిన విషయం తెలిసిందే. ఈ  ఘటనకు కారణమైన వ్యక్తులపై బాలీవుడ్‌ హీరోయిన్‌ శ్రద్ధా కపూర్ ‌ఆగ్రహం వ్యక్తం చేశారు. ఏనుగు మృతికి కారణమైన వారిని కఠినంగా శిక్షించాలంటూ ఆమె డిమాండ్‌ చేశారు. గర్భిణి ఏనుగును క్రూరంగా చంపిన సదరు వ్యక్తులపై జీవ హింస చట్టం  కింద కేసు పెట్టి శిక్షపడేలా చేయాలని సోషల్‌ మీడియా వేదికగా ప్రజలకు పిలుపునిచ్చారు.  ఈ ఘటపై భావోద్వేగానికి గురైన శ్రద్ధా ఇన్‌స్టాగ్రామ్‌లో ఓ పోస్టు షేర్‌ చేశారు. ‘గర్భిణి ఏనుగుకు కేరళలో కొంతమంది వ్యక్తులు టపాసులతో నింపిన పైనాపిల్‌ తినిపించారు. అది తినడంతో పైనాపిల్‌ నోటిలో పేలి దవడ భాగం తీవ్రంగా దెబ్బతిన్నది. ఆ బాధతో గ్రామమంతా తిరిగి చివరకు ఓ సరస్సులో నిలబడే ప్రాణాలు విడిచింది’ అంటూ ఆవేదన వ్యక్తం చేశారు.

‘రాక్షసులు అంటే తల మీద కొమ్ములతో ఇరువైపుల రెండు పెద్ద పెద్ద దవడ పళ్లతో మాత్రమే ఉండరు. మన చూట్టూ మనుషుల రూపంలోనే ఉంటారు. వారు మీ పక్కనే నడుస్తారు. చాలా వరకు జంతువులు మనుషులను విశ్వసిస్తాయి. ఎందుకంటే గతంలో అవి మనుషులకు సాయం చేసేవి. వీరి క్రూరత్వం భరించలేని స్థాయిలో ఉంది. వారు మనుషులుగా బ్రతికే అర్హతను కోల్పోయారు. దయ, జాలి లేనప్పుడు మీరు మనుషులుగా పరిగణించరు. ఒకరిని బాధించేవారు మనుషులు కాదు. అందుచేత జీవ హింస చట్టం కింద వీరిపై పిటిషన్‌ దాఖలు చేసిన వారిని కఠినంగా శిక్షించాలి. దోషులను దారుణంగా శిక్షించే వరకు ఈ దుష్ట రాక్షసులు భయపడరు. అయితే వీరిని పట్టుకోవడం కష్టతరమే. కానీ వారిని వీలైనంత త్వరగా పట్టుకుని శిక్షిస్తారని ఆశిస్తున్నాను’ అంటూ చెప్పుకొచ్చారు.

View this post on Instagram

A pregnant elephant was fed cracker stuffed pineapple by unidentified people in Kerala which exploded in her mouth and damaged her jaw. She walked around the village and finally passed away standing in a river. We keep searching for monsters hoping they would be having the devil's horns on their heads. But look around you, the monsters walk beside you. From anybody who throws stones at a stray dog to anybody hurting a living soul, choose one face. A lot of these animals trust human beings because they have been helped by them in the past. This is cruel beyond measure. When you lack empathy and kindness, you do not deserve to be called a human being. To hurt someone is not human. Just stricter laws won't help. We need a decent execution of the law too. Until the guilty are punished in the worst possible way, these wicked monsters will never fear the law. Though it's a difficult task, I hope they are able to find out the one who committed this crime and punish them accordingly. Artwork by Bratuti. Post reposted from @tedthestoner

A post shared by Shraddha (@shraddhakapoor) on Jun 2, 2020 at 11:47pm PDT