TV
మొన్న బాత్రూమ్‌లో... ఇప్పుడు జిమ్ సెంటర్‌లో..!
ఇప్పుడంతా సెల్ఫీ ట్రెండ్. ఎక్కడ పడితే అక్కడ సెల్ఫీలు దిగడం, వాటిని ఏ ట్విట్టర్లోనో, ఫేస్‌బుక్‌లోనో పెట్టడం ఫ్యాషనైపోయింది. మొన్నటికి మొన్న శ్రీయ బాత్రూమ్‌లో సెల్ఫీ దిగి, ట్విట్టర్‌లో పోస్ట్ చేశారు. జలకాలాడుతున్న ఫొటో కాదది. శుభ్రంగా డ్రెస్ చేసుకున్నాక ఫొటో దిగారు. ఇప్పుడు జిమ్‌లో వర్కవుట్స్ చేస్తూ సెల్ఫీ తీసుకున్నారు. తాను సెల్ఫీ తీసుకుంటూ, ఆ తతంగాన్ని మరొకరితో ఫొటోలు తీయించారామె. అనంతరం వాటిని ట్విట్టర్‌లో పోస్ట్ చేశారు. ఇప్పుడా ఫొటోలు నెట్టింట వీర విహారం చేస్తున్నాయి. ‘లవ్ మై వర్కవుట్.. ఇట్స్ మై ఫన్’ అని ఆ ఫొటోలకు శ్రీయ మురిపెంగా చిన్న క్యాప్షన్ కూడా ఇచ్చుకున్నారు. అన్నట్లు శ్రీయ వయసు 30 కి పైనే. ఈ వయసులో ఇంత స్లిమ్‌గా ఉన్నారంటే.. ఈ బ్యూటీ ఫిజిక్ గురించి ఏ రేంజ్‌లో కేర్ తీసుకుంటున్నారో ఊహించవచ్చు.
