కమల్ సరసన సిమ్రాన్..!

 

  తెలుగులో మోహన్‌లాల్ పాత్రను వెంకటేశ్ చేయబోతున్నారు. మాతృకలో చేసిన మీనానే ఇక్కడ కూడా హీరోయిన్‌గా బుక్ అయ్యారు. ఇక తమిళ ‘దృశ్యం’లో హీరో కమల్‌హాసన్. ఆయనతో జతకట్టే ఏజ్‌బార్ హీరోయిన్ ఎవరు? అనేది కొన్నాళ్లుగా నలుగుతున్న ప్రశ్న. మొన్నటిదాకా నదియా పేరు ఎక్కువగా వినిపించింది. అయితే... ఎట్టకేలకు ఆ పాత్రకు నిన్నటి మేటి కథానాయిక సిమ్రాన్ ఎంపికయ్యారు. కథానాయికగా కెరీర్ ముగిసిన తర్వాత కూడా మళ్లీ కమల్ లాంటి స్టార్‌తో నటించే అవకాశం రావడం మామూలు విషయమా? అయితే కమల్-సిమ్రాన్‌ది సక్సెస్‌ఫుల్ కాంబినేషన్. వీరిద్దరూ కలిసి ‘బ్రహ్మచారి’, ‘పంచతంత్రం’ చిత్రాల్లో నటించారు. ఇటీవలే ‘ఆహా కల్యాణం’తో సెకండ్ ఇన్నింగ్స్ మొదలుపెట్టిన  సిమ్రాన్‌కి ఇది నిజంగా సువర్ణావకాశమే!