తమన్నా అలాంటి ఆలోచనతోనే ఉందట!

తమన్నా అలాంటి ఆలోచనతోనే ఉందట!

చెన్నై: నటి తమన్నాకు మొగుడు కావాలట. తమిళం, తెలుగు భాషల్లో ప్రముఖ కథానాయకిగా రాణిస్తున్న నటి తమన్న. ఇప్పటి వరకూ గ్లామరస్‌ పాత్రలో అందాలను ఆరబోసిన ఈ మిల్కీబ్యూటీ బాహుబలి చిత్రంలో తనదైన నటనతో అలరించింది. విమర్శకుల ప్రశంసలు అందుకున్న తమన్నా సినీ జీవితం బాహుబలికి ముందు ఆ తరువాత అని చెప్పుకునే రీతిలో ఆ చిత్రం మైలురాయిగా నిలిచిపోతుంది. కాగా ఇటీవల శింబుకు జంటగా అన్భానవన్‌ అసరాదవన్‌ అడంగాదవన్‌ చిత్రంలో మరోసారి గ్లామర్‌ పరంగా దుమ్మురేపిందనే చెప్పాలి.

అయినా ఆ చిత్రం ఆమెను పూర్తిగా నిరాశపరచింది.  ప్రస్తుతం విక్రమ్‌కు జంటగా స్కెచ్‌ చిత్రంలో నటిస్తోంది. దీంతో పాటు తెలుగులోనూ ఒకటి రెండు చిత్రాలలో నటిస్తోంది. ప్రస్తుతం కోటిన్నరకు పైగా పారితోషికం పుచ్చుకుంటున్న తమన్నా నటనతో పాటు తన తండ్రి నగల వ్యాపారంలో సాయంగా ఉంటున్నారు. షూటింగ్‌ లేని సమయాల్లో నగల డిజైన్లు చేస్తుంటారు.

ఇటీవలే తన సోదరుడి వివాహనిశ్చితార్ధం వేడుకలో అంతా తానై హడావిడి చేసిన ఈ భామకు కూడా పెళ్లి చేసేసి తమ బాధ్యతను దించుకోవాలన్న నిర్ణయానికి వచ్చారని సమాచారం. అందులో భాగంగానే ఆమె తల్లిదండ్రులు తమన్నాకు వరుడి వేటలో ముమ్మరంగా ఉన్నారట. మరి తమన్నాకు సరైనోడు ఎక్కడున్నాడో? ఎప్పుడొస్తాడో? తమన్న కూడా ఇలాంటి ఆలోచనలతోనే ఉందని సమాచారం.