కన్నడ ఎంట్రీ?

తమన్నా

తమన్నా దాదాపుగా 15 ఏళ్ల నుంచి సినిమాలు చేస్తున్నారు. నార్త్‌ నుంచి సౌత్‌ వరకు పాపులారిటీ సంపాదించారామె. కమర్షియల్‌ సినిమాలు, లేడీ ఓరియెంటెడ్‌ సినిమాలు, స్పెషల్‌ సాంగ్స్‌.. ఇలా అన్ని రకాల సినిమాలు చేశారామె. తాజాగా కథానాయికగా మొదటిసారి ఓ కన్నడ సినిమా చేయబోతున్నారని టాక్‌. యశ్‌ హీరోగా రూపొందిన కన్నడ చిత్రం ‘కె.జీ.ఎఫ్‌’లో చేసిన ప్రత్యేక గీతం ద్వారా తొలిసారి కన్నడ తెరపై మెరిశారు తమన్నా. యశ్‌ హీరోగా నర్తన్‌ అనే కన్నడ దర్శకుడు ఓ ప్యాన్‌ ఇండియా సినిమా చేయబోతున్నారట. ఈ సినిమాలో హీరోయిన్‌ గా తమన్నా పేరును పరిశీలిస్తున్నారని సమాచారం. ఈ సినిమాకు తమన్నా ఓకే అంటే కథానాయికగా ఇదే ఆమె చేయబోయే మొదటి కన్నడ సినిమా అవుతుంది.