వీరమహాదేవి విజృంభణ

రణభూమిలో శత్రువులపై యుద్ధం చేయడానికి సైన్యంతో సిద్ధమయ్యారు రాణీ వీరమహాదేవి. ఈ వీరనారి యుద్ధభూమిలో ఏ స్థాయిలో విజృంభించారో వెండితెరపై చూడాల్సిందే. సన్నీ లియోన్‌ టైటిల్‌ రోల్‌లో స్టివ్‌ కార్నర్‌ పతాకంపై వీసీ వడివుడయాన్‌ దర్శకత్వంలో ఫోన్స్‌ స్టీవెన్‌ నిర్మిస్తున్న చిత్రం ‘వీరమహాదేవి’. వంద కోట్ల రూపాయల భారీ బడ్జెట్‌తో రూపొందుతున్న ఈ చిత్రం ఐదు భాషల్లో ఒకేసారి షూటింగ్‌ జరుపుకుంటోంది. ఈ చిత్రం ఫస్ట్‌ లుక్‌ని విడుదల చేశారు.

‘‘తెలుగులో తొలిసారి ఫుల్‌ లెంగ్త్‌ రోల్‌ చేస్తున్నారు సన్నీ లియోన్‌. అందుకోసమే తెలుగు నేర్చుకుంటున్నారు. ఈ సినిమా కోసం ఆమె మార్షల్‌ ఆర్ట్స్‌లో శిక్షణ పొందారు. షూటింగ్‌ కోసం హైదరాబాద్‌లోని ఓ స్టూడియోలో భారీ సెట్‌ వేయబోతున్నాం. ప్రస్తుతం కేరళ అడవుల్లో భారీ యాక్షన్‌ సన్నివేశాలను చిత్రీకరిస్తున్నాం. గ్రాఫిక్స్‌ కోసం కెనడాలోని ఓ కంపెనీ వర్క్‌ చేస్తోంది. ఓన్లీ గ్రాఫిక్స్‌కి మాత్రమే దాదాపు 40 కోట్లు కేటాయించాం. ఈ చిత్రం కోసం సన్నీ లియోన్‌ 150 రోజులు డేట్స్‌ ఇచ్చారు’’అని పేర్కొంది చిత్రబృందం.