TV
రచయిత్రి పాత్ర
హిందీలో తిరుగులేని తారగా నిలదొక్కుకుని హీరోయిన్ ఓరియెంటెడ్ చిత్రాలకు స్ఫూర్తిగా నిలిచిన కథానాయిక విద్యాబాలన్. ఈ మలయాళ కుట్టి దాదాపు ఐదేళ్ల తర్వాత మళ్లీ తన మాతృభాషలో ఓ సినిమా చేయనున్నారు. ‘డర్టీ పిక్చర్’లో సిల్క్‌స్మిత పాత్రలో పరకాయ ప్రవేశం చేసిన ఆమె తాజాగా ఈ మలయాళ చిత్రంలో ఓ రచయిత్రి పాత్రలో ఒదిగిపోవడానికి సిద్ధమవుతున్నారు. ప్రముఖ ఆంగ్ల, మలయాళ రచయిత్రి కమలా సురయ్యా జీవితం ఆధారంగా ఈ సినిమా రూపొందనుంది. కమల్ అనే సీనియర్ దర్శకుడు తెరకెక్కించనున్న ఈ చిత్రంలో విద్యాబాలన్ పాత్ర మూడు విభిన్న కోణాల్లో సాగుతుందట.
