TV
జమ్ము కశ్మీర్‌: జమ్మూలో బస్సు ప్రమాదం చోటు చేసుకుంది. ప్రయాణికులతో వెళ్తున్న మినీ బస్సు అదుపుతప్పి బోల్తా కొట్టింది. ఈ ప్రమాదంలో ముగ్గురు మృతి చెందగా.. మరో ఎనిమిది మందికి తీవ్ర గాయాలయ్యాయి. ఈ సంఘటన జమ్ము-పఠాన్‌కోట్‌ రహదారిపై సాంబా ప్రాంతంలో బుధవారం ఉదయం జరిగింది.
చెక్‌వాల్‌ గ్రామం నుంచి సాంబాకు ప్రయాణికులతో వెళ్తున్న మినీ బస్సు అదుపుతప్పి బోల్తా కొట్టడంతో ప్రమాదం జరిగింది. మృతుల్లో ఓ మహిళ ఉంది. విషయం తెలుసుకున్న పోలీసులు సంఘటనా స్థలానికి చేరుకొని సహాయక చర్యలు చేపట్టారు.
