TV
ఈ 'మంటల కిళ్లీ' చాలా కూల్ గురూ!
భోజన ప్రియులకు.. తాంబూల సేవనం గురించి చెప్పనక్కరలేదు. అందులోనూ రకరకాల కిళ్లీలను ఆరగించడానికి ప్రయత్నించే పాన్ ప్రియులకు అస్సలు వివరించనక్కలేదు. కానీ ఈ మంటల తాంబూలం అదే... ఫైర్ పాన్ గురించి మాత్రం కచ్చితంగా చెప్పాల్సిందే.. అవును వినడానికి వింతగా ఉన్నా.. భగ్గున మండుతున్న ఈ కిళ్లీ చాలా కూల్ గురూ అంటున్నారు తయారీదారులు. అటు మండుతున్న కిళ్లీని లొట్టలేసుకుంటూ.. సారీ, పొగల సెగలు కక్కుతూ నములుతున్నారు వినియోగదారులు.
గత 30 ఏళ్లుగా ఈ పాన్ బిజినెస్ చేస్తున్న రాజ్ కోట్ కు చెందిన చున్నీ లాల్ ఈ ఫ్లేమింగ్ కిళ్లీని వినియోగదారులకు పరిచయం చేశారు. మండుతున్న ఈ పాన్ రెసిపీని కనుక్కోవడానికి తమకు ఎనిమిది సంవత్సరాలు పట్టిందంటున్నాడు. తమలపాకుల్లో లవంగాలు, వక్కలు, ఇతర పదార్థాలు మధ్య యాలకలు లాంటి స్థానిక మూలికలతో దీన్ని తయారు చేస్తున్నామన్నారు. మండుతూ ప్రమాదకరమైందిగా కనిపించే ఈ పాన్ చల్లని అనుభూతిని ఇస్తుందంటున్నారు. అంతేకాదు ఇంతవరకు ఈ పాన్ తిని ఎవరూ అనారోగ్యం కానీ, గాయపడింది లేదని ధీమాగా చెపుతున్నారు.
