హత్య కేసులో దోషిగా తేలిన రాకీ యాదవ్‌

న్యూఢిల్లీః ఓ విద్యార్థిని దారుణంగా హత్య చేసిన కేసులో సస్పెండ్‌ అయిన జేడీ(యూ) ఎంఎల్‌సీ మనోరమా దేవి కుమారుడు రాకీ యాదవ్‌ను బీహార్‌ కోర్టు దోషిగా నిర్దారించింది.గయాలో 2016, మే 7న తన వాహనాన్ని ఓవర్‌టేక్‌ చేసినందుకు ఇంటర్‌ విద్యార్థి ఆదిత్య సచ్‌దేవ్‌ను రాకీ యాదవ్‌ హత్య చేసినట్టు కోర్టు నిర్ధారణకు వచ్చినట్టు తీర్పును వెలువరిస్తూ సెషన్స్‌ జడ్జి సచిదానంద్‌ సింగ్‌ చెప్పారు. సెప్టెంబర్‌ 6న రాకీ యాదవ్‌కు శిక్ష ఖరారు చేయనున్నట్టు న్యాయమూర్తి పేర్కొన్నారు. గత 15 నెలలుగా ఈ కేసులో పలు మలుపులు చోటుచేసుకున్నాయి.