ఉమెన్ చాందీ రాజీనామా

తిరువనంతపురం: కేరళ ముఖ్యమంత్రి ఉమెన్ చాందీ తన పదవికీ రాజీనామా చేశారు. శుక్రవారం పదిన్నర గంటల ప్రాంతంలో తన రాజీనామా లేఖను గవర్నర్ పీ సదాశివంకు అందించారు. గవర్నర్ బంగ్లాకు స్వయంగా వెళ్లి నమస్కరించిన చాందీ.. ఆ తర్వాత రాజీనామా లేఖ సమర్పించి బయలుదేరారు.

కేరళ ఎన్నికల్లో కాంగ్రెస్ నేతృత్వంలోని యూడీఎఫ్ వామపక్ష కూటమి చేతిలో చావుదెబ్బతిన్న విషయం తెలిసిందే. ఎల్డీఎఫ్ ఇక్కడ విజయాన్ని సాధించింది. దీంతో సంప్రదాయం ప్రకారం చాందీ తన పదవికి రాజీనామా చేశారు. ఈ ఎన్నికల్లో ఎల్డీఎఫ్ కు 91 స్థానాలు రాగా.. చూడీఎఫ్ కు కేవలం 46 స్థానాలు మాత్రమే వచ్చాయి.