ఫోను కోసం.. గొంతుకోసి చంపేశాడు!

 

చేతిలో డబ్బులు లేకపోయినా, రెడ్‌మి నోట్ 3 ఫోన్ కోసం ఫ్లిప్‌కార్ట్‌లో ఆర్డర్ చేసి, తన జిమ్ ల్యాండ్‌లైన్ నంబరు ఇచ్చాడు. మధ్యాహ్నం 12.30 గంటల ప్రాంతంలో నంజుండ స్వామి డెలివరీ తీసుకుని రాగా, అతడిని సెకండ్ ఫ్లోర్‌లోకి వరుణ్ పిలిచాడు. అతడి వద్ద నుంచి ఫోన్ లాక్కోడానికి ప్రయత్నించాడు. కానీ అతడు ఎలాగోలా తప్పించుకుని బయటకు పారిపోయాడు. దాంతో వరుణ్ వెనక నుంచి ఒక ఫ్లవర్ వాజ్‌తో అతడి తలమీద కొట్టగా, స్వామి స్పృహతప్పి పడిపోయాడు. దాంతో అతడి గొంతును ఓ కత్తితో కోసేశాడు. దాదాపు పదిగంటల పాటు శవాన్ని అలాగే వదిలేసి, తర్వాత లిప్టు షాఫ్ట్‌లో పారేశాడు. అతడి వద్ద ఉన్న రెండు స్మార్ట్ ఫోన్లతో పాటు పదివేల రూపాయల నగదు, డెలివరీ కోసం తెచ్చిన ఇతర వస్తువులు తీసుకుని అక్కడి నుంచి పారిపోయాడు. వాటిలో రెడ్‌మి ఫోన్‌ను తాను వాడుతూ, రూ. 24వేల విలువైన హెచ్‌టీసీ ఫోన్‌ను మరో స్నేహితుడికి ఇచ్చాడు. 

 

రెండు రోజుల తర్వాత స్వామి తండ్రి తన కొడుకు కనిపించడంలేదని పోలీసులకు ఫిర్యాదు చేశారు. అదే సమయానికి పోలీసులు స్వామి మృతదేహాన్ని కనుగొన్నా.. అది అతడిదని తొలుత తెలియలేదు. తర్వాత ఫ్లిప్‌కార్ట్ వారిని సంప్రదించగా, జిమ్‌లో డెలివరీకి వెళ్లిన తర్వాత నుంచి అతడి ఆచూకీ లేదని చెప్పారు. వరుణ్ జిమ్ తీయడం లేదని తెలిసింది. దాంతో అతడిని అరెస్టు చేసి విచారించగా మొత్తం విషయం బయటపడింది.