సీఆర్పీఎఫ్ కాన్వాయ్ పై కాల్పుల కలకలం

సీఆర్పీఎఫ్ కాన్వాయ్ పై కాల్పుల కలకలం

శ్రీనగర్: సెంట్రల్ రిజర్వ్ పోలీస్ సిబ్బంది వెళ్తోన్న ఓ కాన్వాయ్ పై టెర్రరిస్టులు కాల్పులకు తెగబడ్డారు. దీంతో కాన్వాయ్లో ప్రయాణిస్తున్న ఆరుగురు సీఆర్పీఎఫ్ సిబ్బంది గాయపడ్డారు. ఈ ఘటన జమ్మూకశ్మీర్లోని అనంతనాగ్లో సోమవారం ఈ ఘటన చోటుచేసుకుంది. దక్షిణ కశ్మీర్లోని శ్రీనగర్-జమ్మూ జాతీయ రహదారిపై నేటి ఉదయం సీఆర్పీఎఫ్ కాన్వాయ్ జమ్మూ నుంచి శ్రీనగర్ వెళ్తుండగా టెర్రరిస్టులు కాల్పులు జరిపారు.

శ్రీనగర్కు 50 కిలోమీటర్ల దూరంలోని బిజ్బెహరా గుండా వెళ్తుండగా ఈ ఉగ్ర ఘటన చోటుచేసుకుంది. గాయపడిన సీఆర్పీఎఫ్ సిబ్బందిని అనంతనాగ్ లోని ఆస్పత్రికి తరలించి చికిత్స అందిస్తున్నట్లు అధికారులు తెలిపారు. కాల్పులకు పాల్పడ్డ ఉగ్రవాదుల కోసం ఆర్మీ బలగాలు అన్వేషిస్తున్నట్లు తెలుస్తోంది.