యూపీ నుంచి రాజ్యసభకు జైట్లీ

న్యూఢిల్లీ: కేంద్ర ఆర్థిక మంత్రి అరుణ్‌జైట్లీ ఈసారి ఉత్తరప్రదేశ్‌ నుంచి రాజ్యసభకు పోటీచేయనున్నారు. పెట్రోలియం మంత్రి ధర్మేంద్ర ప్రధాన్‌ మధ్యప్రదేశ్‌ నుంచి బరిలో నిలవనున్నట్లు బీజేపీ కేంద్ర ఎన్నికల కమిటీ బుధవారం ప్రకటించింది. ప్రస్తుతం జైట్లీ గుజరాత్‌కు, ప్రధాన్‌ బిహార్‌కు ప్రాతినిధ్యం వహిస్తున్నారు. వ

చ్చే రాజ్యసభ ఎన్నికల్లో పోటీచేయనున్న పలువురు కేంద్ర మంత్రులు, ఒక పార్టీ ప్రధాన కార్యదర్శి జాబితాను కమిటీ విడుదలచేసింది. జైట్లీ, ప్రధాన్‌ కాకుండా మిగిలినవారు (కేంద్ర మంత్రులు థావర్‌చంద్‌ గెహ్లాట్‌ – మధ్యప్రదేశ్, రవిశంకర్‌ ప్రసాద్‌ – బిహార్, జేపీ నడ్డా – హిమాచల్‌ ప్రదేశ్, పురుషోత్తం రూపాలా, మనుసుఖ్‌ మాండవీయా – గుజరాత్‌) గతంలో పోటీచేసిన రాష్ట్రాలనుంచే బరిలో ఉంటారు. మహారాష్ట్ర నుంచి కేంద్ర మంత్రి ప్రకాశ్‌ జవదేకర్‌ పోటీచేయనున్నారు.