కన్యాదానం చేయనన్న తండ్రి..!

పెళ్లి అనగానే.. కన్యాదానం, అప్పగింతలు, కన్నీళ్లు. ఎక్కడైనా ఇవే కనిపిస్తాయి. కానీ ఇప్పుడు మేం చెప్పబోయే తండ్రి మాత్రం చస్తే కన్యాదానం చేయనన్నాడు. ఇది చూసి వెంటనే ఎంత కసాయి తండ్రి అని మాత్రం అనుకోకండి. కన్యాదానం చేయననడానికి ఆ తండ్రి చెప్పిన కారణం వింటే మీరు కూడా అతన్ని మెచ్చుకుంటారు. అస్మిత అనే నెటిజన్‌ ట్విటర్‌లో పోస్ట్‌ చేసిన ఈ పెళ్లి తంతు విశేషాలు ప్రస్తుతం తెగ వైరలవుతున్నాయి.

‘ఈ పెళ్లికి నేను కూడా హాజరయ్యాను. మహిళా పురోహితులు ఈ వేడుకను జరిపారు. అంతేకాక పెళ్లి కూతుర్ని తల్లి పేరుతో పరిచయం చేశారు. ఆ తర్వాతే తండ్రి పేరు చెప్పారు. అన్నింటికంటే విశేషం ఏంటంటే.. పెళ్లి కుమార్తె తండ్రి తాను కన్యాదానం చేయనన్నాడు. ‘నా కుమార్తె ఆస్తి కాదు దానం చేయడానికి’ అని అతను చెప్పిన మాటలు నన్ను చాలా ఆలోచింపజేశాయి’ అంటూ ట్వీట్‌ చేశారు అస్మిత. ఈ పోస్ట్‌ను ఇప్పటికే 2300 మంది లైక్‌ చేయగా.. ‘మీ ప్రగతిశీల భావజాలానికి హ్యాట్సాఫ్‌’ అంటూ కామెంట్‌ చేస్తున్నారు నెటిజన్లు.

I'm at a wedding with female pandits. They introduce the bride as the daughter of and (mom first!!!). The bride's dad gave a speech saying he wasn't doing kanyadaan because his daughter wasn't property to give away. 🔥🔥🔥 I'm so impressed. pic.twitter.com/JXqHdbap9D

— Asmita (@asmitaghosh18) February 4, 2019