అజహర్ అలీ డబుల్ సెంచరీ

మిర్పూర్ : బంగ్లాదేశ్‌తో జరుగుతున్న రెండో టెస్టులో పాకిస్తాన్ పూర్తి ఆధిక్యత ప్రదర్శిస్తోంది. అజహర్ అలీ కెరీర్‌లో తొలి డబుల్ సెంచరీ (428 బంతుల్లో 226; 20 ఫోర్లు; 2 సిక్సర్లు)తో అదరగొట్టగా అసద్ షఫీఖ్ (167 బంతుల్లో 107; 9 ఫోర్లు; 1 సిక్స్) సెంచరీ చేయడంతో రెండో రోజు గురువారం పాక్ తమ తొలి ఇన్నింగ్స్‌ను 152 ఓవర్లలో 8 వికెట్లకు 557 పరుగుల వద్ద డిక్లేర్ చేసింది.

అనంతరం తమ తొలి ఇన్నింగ్స్‌ను ఆరంభించిన బంగ్లాను పాక్ బౌలర్లు కట్టడి చేయడంతో ఆట ముగిసే సమయానికి 27.5 ఓవర్లలో 5 వికెట్లకు 107 పరుగులు చేసింది. ఫాలో ఆన్ తప్పించుకోవాలంటే ఇంకా 251 పరుగులు చేయాల్సి ఉంది. క్రీజు లో షకీబ్ (14 బ్యాటింగ్), ముష్ఫిఖర్ రహీమ్ (12 బ్యాటింగ్) ఉన్నారు. జునైద్, యాసిర్ రెండేసి వికెట్లు పడగొట్టారు.