TV
కప్ గెలిస్తే నచ్చిన చోటికి హనీమూన్...
సోదరికి ఇలియట్ హామీ
వెల్లింగ్టన్: ప్రపంచకప్ క్రికెట్ చరిత్రలో తొలిసారిగా న్యూజిలాండ్ జట్టు ఫైనల్‌కు చేరుకోవడంలో... గ్రాంట్ ఇలియట్ కీలక పాత్ర మరువలేనిది. అయితే జట్టు విజయంపై సంతోషంగానే ఉన్నా తుది పోరు జరిగే ఈనెల 29నే ఇలియట్ సోదరి వివాహం కూడా జరుగబోతోంది. దీంతో ఆ వివాహానికి హాజరుకాలేని పరిస్థితి తనది.
అయితే కివీస్ ప్రపంచకప్ గెలిస్తే కోరుకున్న చోటికి హనీమూన్‌కు పంపిస్తానని చెల్లికి మాట ఇచ్చాడు. వాస్తవానికి ఈ పెళ్లి షెడ్యూల్ ఏడాదికి ముందే ఫిక్స్ అయ్యింది. అప్పుడు జట్టులో ఇలియట్‌కు చోటు లేదు. ఈ మెగా టోర్నీలో ఆడేందుకు అవకాశం వస్తుందని కూడా తను అనుకోలేదు. అందుకే ఈ తేదీని ఖరారు చేశామని ఇలియట్ సోదరి కేట్ తెలిపింది.
