‘ఎంఎస్‌ ధోని విల్‌ అల్వేజ్‌ బి మై ఫస్ట్‌ లవ్‌’

పుణె : మహేంద్ర సింగ్‌ ధోనికి ఐపీఎల్‌లో మంచి ఫాలోయింగ్‌ ఉంది. రెండేళ్ల తర్వాత ఐపీఎల్‌లో ప్రవేశించిన చెన్నై సూపర్‌ కింగ్స్‌కు ధోని కెప్టెన్‌గా వ్యవహరిస్తున్నాడు‌. రాజస్థాన్‌ రాయల్స్‌తో ఏప్రిల్ 20న జరిగిన మ్యాచ్‌లో ధోని బ్యాట్‌తో రాణించకపోయిన, సెంటర్‌ ఆఫ్‌ ఆట్రాక్షన్‌గా నిలిచాడు. ఈ మ్యాచ్‌లో ఓ ఆసక్తికర సన్నివేశం చోటుచేసుకుంది. ఓ అభిమాని ప్లకార్డులో ధోనిపై ఉన్న అభిమానాన్ని చాటుకుంది.

‘సారీ ఫ్యూచర్‌ పార్టనర్‌‌.. బట్‌ ఎంఎస్‌ ధోని విల్‌ అల్వేజ్‌ బి మై ఫస్ట్‌ లవ్‌ ! ఐ లవ్‌ యూ మహి..’ అని రాసి ఉన్న ప్లకార్డును యువతి ప్రదర్శించింది. ఈ ఫొటోను ఐసీసీ తన అధికారక ట్విటర్‌లో పెట్టింది. ప్రస్తుతం ఈ పొటో నెట్టింట్లో హల్‌చల్‌ చేస్తోంది. ఈ మ్యాచ్‌లో రాజస్థాన్‌ రాయల్స్‌పై చెన్నై జట్టు విజయం సాధించిన విషయం తెలిసిందే.