TV
హెచ్‌సీఏ బౌలింగ్ కన్సల్టెంట్‌గా అక్రమ్!
హైదరాబాద్: పాకిస్తాన్ క్రికెట్ దిగ్గజం వసీమ్ అక్రమ్ వచ్చే సీజన్‌లో హైదరాబాద్ రంజీ జట్టుకు బౌలింగ్ కన్సల్టెంట్‌గా వ్యవహరించే అవకాశం ఉంది. ఈ మేరకు హెచ్‌సీఏ అధికారులు ఇప్పటికే అతనితో ఒక దఫా చర్చలు జరిపారు. ప్రపంచకప్ సందర్భంగా కామెంటేటర్‌గా వ్యవహరిస్తూ ప్రస్తుతం అక్రమ్ ఆస్ట్రేలియాలోనే ఉన్నాడు.
ఈ టోర్నీకి భారత జట్టు మేనేజర్‌గా వ్యవహరించనున్న హెచ్‌సీఏ అధ్యక్షుడు అర్షద్ అయూబ్... ఆస్ట్రేలియాలో అక్రమ్‌తో మరో విడత చర్చలు జరుపుతారు. ఐపీఎల్‌లో అక్రమ్ కోల్‌కతా నైట్‌రైడర్స్‌కు బౌలింగ్ కోచ్‌గా వ్యవహరిస్తున్నాడు. రంజీల్లో హైదరాబాద్ జట్టు ప్రదర్శన మూడేళ్లుగా పేలవంగా ఉంది.
